明報APP
報章內容
阿聯酋航空來港搶人才 爭聘機師
【明報專訊】當國泰（0293）機師捉襟見肘，阿聯酋航空加入爭奪機師人才嘅戰場！阿聯酋航空噚日就宣布，將於今個月26至27號喺香港天際萬豪酒店舉行機師招聘會，聘請商業機師加入團隊，持續擴大客機機隊，以滿足航線網絡內嘅強勁需求。
佢哋話，歡迎有志擔任副機師、A380機長或透過快速晉升計劃加入阿聯酋航空團隊，同埋擁有豐富飛行經驗嘅機師出席。當中，參加者可以喺招聘會上同阿聯酋航空現職機師交流，並獲得更多相關資訊，包括招聘流程、工作機會、培訓計劃、 職業生涯規劃、福利等。
對打工仔嚟講，最緊要公司畀到咩福利。咁阿聯酋航空就話，佢哋機師同屋企人可享一系列員工福利，當中包括免稅薪酬、42天年假、住宿和教育津貼、醫療保障同埋旅遊優惠。如果你想去其他地方住，仲可以搬去迪拜生活𠻹。睇嚟，國泰喺呢場「搶人才」大戰中都唔易打。
email: financepage@mingpao.com