明報APP
報章內容
外國調查：離婚後 男士收入跌幅超女士
【明報專訊】夫妻決定離婚請務必要深心熟慮，尤其係男士。外國有調查發現，一對夫妻離婚後，男士嘅收入平均降幅比女士多一倍。
聖路易斯聯邦儲備銀行嘅研究人員發布文章指出，夫妻離異後，男士收入將會下降17%，而女士收入下降9%。過去12個月內經歷過離婚嘅就業人士，收入減少咗12%，低過未離婚嘅同儕。
男士減少12% 女士下降9%
數據亦顯示，已婚男士中最年輕嘅人離婚後所承受經濟懲罰最高，28歲左右嘅男士離婚後收入下降43%。對女士嚟講，最唔適合分手嘅年齡係接近65歲，可能導致收入下降57%。
聖路易斯聯邦儲備銀行經濟學家Guillaume Vandenbroucke話，收入減少背後原因仲未清楚，呢啲數據具體涵蓋收入，唔係整體財富。對於離婚後嘅人比其他人賺得少原因，可能係改變咗佢哋工作模式，或者減少工作時間，再唔係就因為從事唔同嘅低薪工作。