湯文亮：政府撤銷SSD是高招

標籤：湯文亮敢說反話敢說反話財經專欄湯文亮

【明報專訊】政府「撤辣」後未夠半個月，已經賣了2000個新樓單位，二手樓成交亦唔錯，買家要在無樓睇之下出價，連拍賣場都非常熱鬧，在你爭我奪之下，拍賣物業被搶高三成，贊成「撤辣」的官員鬆一口氣，因為在「撤辣」之前，不少外資投行以及測量師話「撤辣」無效，樓價會繼續下跌。如果真係「撤辣」無效，政府唔知有乜辦法可以令樓市復蘇，樓市唔掂，地產商就唔會買地，以往仲可以話香港地產商唔買地，有內地地產商買，現在都無呢支歌仔唱，無人買地，政府財赤就無辦法解決，官員們唔頭痛都唔得。