文章日期：2024年5月9日
【明報專訊】上星期有老友介紹一個移英回港度假的朋友給我，仲話那人是我的fans，大家在認識之後，那人話希望我以後唔好發表一些唱好香港的文章，他的朋友圈唔係幾鍾意。我話很奇怪，我住在香港，在香港搵食，唱好香港並無唔妥；如果我移民離開，就唔會再發表一些唱好香港的文章，否則一定會被人質疑，既然睇得香港咁好，點解要離開，我都唔知點樣回答。不過，我亦不會發表一些唱衰香港文章，說到底都已經在香港生活過一段長時間，離開是自己選擇，唱衰即是封了自己的後路，以後想回流都很難。
