明報APP
報章內容
永旺港引入「鶴橋風月」 售賣知名大阪燒
【明報專訊】雖然近日有唔少餐廳結業，不過再有公司引入日本「過江龍」來港。主要經營超市業務嘅永旺（0984）公布，透過參與投資推廣署舉辦嘅商業配對活動，成功與日本IDEA Co., Ltd.達成戰略合作，將會喺香港開設大阪燒餐廳「鶴橋風月」。
根據介紹，「鶴橋風月」喺日本已有70多年歷史，賣點話係每道大阪燒「お好み焼き」都由員工使用最適當分量粉漿加上充足新鮮椰菜製成，招牌菜「風月燒」使用魷魚、蝦、豬肉、牛肉等食材製成。截至今年5月，鶴橋風月已經喺美國、韓國、泰國及台灣開設分店。
永旺旗下除咗超市同百貨業務，近年積極開設小型專門店，包括KOMEDA'S Coffee、Daiso Japan等，相信有助「鶴橋風月」在港發展。永旺（香港）百貨有限公司董事總經理長島武德就話，將繼續拓展店舖網絡，利用AEON日本集團優勢，再為香港引入更多日本知名品牌。