明報APP
報章內容
逸東街市變「九龍城寨」迎父親節
【明報專訊】《九龍城寨之圍城》票房勁收逾8000萬元，甚具叫座力。「香港街市」趁勢將逸東街市佈置成「九龍城寨主題街市」，以「九龍城寨」為設計藍本，呈現出七八十年代嘅城寨風貌，並將打卡位升級。
擬申健力士 最大紮作飛機模型
「香港街市」更誠邀人氣急升嘅演員、「城寨四少」之一嘅「四仔」張文傑（German）同「魚蛋妹」王尹菁親臨打卡，推出「好想錫爹哋」、「復刻九龍城寨父親節打卡賞」同埋「城寨美食復刻價」，去迎接父親節。
逸東街市內外裝潢都係以「九龍城寨」為設計概念，包括髮廊、戲院、涼茶舖及當舖等，其中最吸睛，一定係重塑舊時飛機喺啟德機場升降嘅情景，場內掛有約11米長嘅巨型飛機模型，更係香港著名紮作工藝大師夏中建專誠為「香港街市」製作。
為咗加強支持香港嘅非物質文化遺產，「香港街巿」計劃向健力士世界紀錄申請，希望成為以紮作概念製造嘅最大飛機模型，畀世界各地嘅人都認識香港嘅傳統紮作工藝。
email: financepage@mingpao.com