明報APP
報章內容
對手訪問提「挽肉と米」 黃傑龍：對方頗失禮
標籤：小琴密語
【明報專訊】叙福樓（1978）旗下特許經營品牌「挽肉と米」香港首間分店於今年5月開幕後一直廣受歡迎，同一時間人氣漢堡扒店「肉肉大米」都宣布攻港。有媒體引述肉肉大米負責人認為肉肉大米比挽肉と米更具競爭力，而且口味更符合香港人口味。叙福樓主席黃傑龍即在社交平台發文反擊，直言對方唔太有商務禮儀，甚至頗為失禮。
黃傑龍喺社交平台貼出幾張挽肉と米同肉肉大米報道嘅截圖，佢話做生意基本商業禮儀係「各有各做，互相欣賞」，一般而言訪問甚少會提及競爭對手個名，更加唔好話自稱比別人優勝。
黃傑龍提到挽肉と米和肉肉大米之間的分別，雖然兩間餐廳都係漢堡飯，但一個係真正炭燒、一個落油平板煎，效果完全唔同無得比較。佢同時預告，未來將會有其他新品牌新分店登場，今年內將再開8間新分店，笑言今年真係「關10間開17間（唔止16間）」。