明報APP
報章內容
《鄭裕彤傳》內地發布會 鄭志剛太太現身
標籤：小琴密語
【明報專訊】自新世界發展（0017）9月底人事「大地震」，辭任行政總裁兼轉任非執董及非執行副主席嘅鄭志剛自9月底起便自小紅書、Ig等社交媒體潛水至今。不過小琴近排喺內地媒體發現，原來鄭志剛太太余雅穎（Jennifer）11月4日出席咗喺廣州周大福中心舉行嘅《鄭裕彤傳》簡體版正式發布會，同場更有鄭裕彤之子、周大福慈善基金主席鄭家成負責致歡迎辭，場面非常盛大。
以往鄭志剛同太太Jennifer兩人現身之處往往都係鎂光燈焦點，而曾被指獲得爺爺「彤叔」鄭裕彤隔代「欽點」為接班人嘅鄭志剛繼續潛水，Jennifer在活動上雖企近「C位」，但低調未獲傳媒報道，唔知係咪因為鄭志剛立意專心公職後，Jennifer亦要低調起來。
不過，小琴留意到由她創辦嘅培菁女性創效基金11月9日將喺西九故宮文化博物館舉辦「明日女菁領袖峰會2024」，屆時Jennifer唔知會唔會再度現身親自主持大局呢？
email: financepage@mingpao.com