明報APP
報章內容
230日生產10萬SU7 雷軍車廠「打地鋪」
【明報專訊】小米（1810）旗下車款SU7因被指交付慢而經常被網民催促，而近日有內媒報道指由於小米SU7訂單太多，加上電池供應拖慢，SU7目前仲有逾10萬張訂單未完成。董事長雷軍噚日喺微博發帖文笑言，「網友們催我到工廠擰螺絲。其實，我經常去，今天一大早就到了。來得太早，在車間又瞇了一會。」
雷軍又話，從SU7發布到今天，小米只用咗230日就生產10萬架車，「作為汽車行業新人，這個速度已經非常了不起，稍後我們會舉辦10萬輛下線儀式。」雷軍同時上載一幅佢瞓喺車廠中一塊發泡膠上嘅相，明顯想「賣慘」，但小琴睇張相，佢瞓覺都擺好晒姿勢又笑晒咁，睇嚟對交付量好滿意。有網民留言：「10萬輛，雷總睡着了都在笑」、「今日頭條：《雷總躺平了》」。