明報APP
報章內容
鍾睒睒轟電商價格戰 稱永不直播帶貨
標籤：小琴密語
【明報專訊】消費行業對直播帶貨、網上銷售趨之若鶩，但偏偏作為中國前首富、農夫山泉（9633）創辦人鍾睒睒近期卻連續兩日炮轟互聯網企業，包括先斥責拼多多（美：PDD）嘅價格體系為「劣幣驅逐良幣」，直言「我永遠不會做這件事情（直播帶貨）。」
斥價格體系下降傷害中國品牌
鍾睒睒形容，農夫山泉係「有根」嘅企業，永遠唔會做直播帶貨，更睇唔起嗰啲直播帶貨嘅企業家，認為對方可做更有價值嘅東西。他又斥責互聯網平台令價格體系下降對中國品牌、對中國產業係一種「巨大傷害」。
他又唔避忌提到自己及農夫山泉上半年曾遭「網暴」，指當前社會對商人提太多要求，「愛國這個招牌不分青紅皂白用，太傷人了」，並強調自己嘅一分錢都無出去（海外），都喺國內，並強調「農夫山泉永遠屬於中國！」