moneymonday
指數/外匯
明報APP

報章內容

美的老總發《簡化工作要求》爆紅 禁「形式主義」加班

【明報專訊】內媒報道,美的集團(0300)董事長兼總裁方洪波最近因為簽發內部文件《關於簡化工作方式的要求》而爆紅,內容包括放工時間禁止開會同埋「形式主義」加班,內部溝通都嚴禁PPT。

年會等先可用PPT 限一頁內

美的向內地員工提出簡化工作方式嘅6個要求,包括內部溝通嚴禁PPT,述職、答辯等通通都唔用得,只有重要技術展示、財務報告、集團和事業群年會先可以用,如果要用PPT亦有一定要求,只可以白底黑色幾行字以及一頁以內,方洪波本人就以身作則,今年年會嘅PPT都係簡單白底黑字。其他要求仲有嚴禁其他人代寫材料,董事長同總裁都唔例外;收工禁止開會和形式主義加班;減少微信群數量,並禁止各類嗌口號等形式主義行為;減少手工報表同作業,推廣數碼化;內部嚴禁送禮及非規定團建活動。上述要求對集團內地員工有效,並接受全員監督。

[小琴密語]