【明報專訊】小琴一向覺得新世界發展（0017）非執董鄭志剛對藝術的修為有三四層樓咁高，據內媒《證券時報》報道，佢最近伙拍瑞士投資公司「JAKOTA Capital」進軍短劇產業。
報道話，JAKOTA推出咗一項專注於全球短劇市場嘅全新投資策略，並通過一家總部喺紐約嘅短劇公司實體管理，計劃今年3月開始運營。而鄭志剛將會喺短劇公司中提供戰略指導。
消息人士又透露，JAKOTA已承諾投入1億美元用嚟支持短劇公司同相關項目，仲搵埋數字王國（0547）旗下Digital Domain Capital Partners策略合作，提供人工智能驅動的虛擬人、視覺特效及荷李活推廣等方面嘅支持。鄭志剛喺舊年9月新世界業績會上話過，人生係應該不斷學習，盡自己所長。
email: financepage@mingpao.com
