明報APP
報章內容
羅福莉：神化一個人 捧得多高摔得多重
標籤：小琴密語
【明報專訊】有「AI天才少女」之稱、被視為DeepSeek AI模型幕後推手之一嘅羅福莉，因早前被小米（1810）創辦人雷軍出成千萬人幣年薪挖角，自此一夜成名，不過人出名係咪好事，真係各有各睇法，羅福莉都唔例外。佢最新喺朋友圈發文話，自己並唔係外界所講嘅「天才少女」，「神化一個人的結果就是捧得多高摔得多重」。
「如果我是一個技術圈內的不認識羅福莉的人，看到那些充滿一堆事實性錯誤、low到爆的AI風自媒體文章，也會默默給那些買熱搜的評論點個讚。」佢喺文中又提到，她希望「為了流量、為了消費的自媒體們請收手」，唔好再無差別打擾佢屋企人、朋友、同學甚至初高中班主任，重申自己只想安靜做難而正確的事情。此前有內媒報道，羅福莉已離開DeepSeek去咗新公司，但未有提及係咪已加盟小米。