【明報專訊】華為宣布將於本月20日（下周四）喺上海舉行「華為Pura先鋒盛典暨鴻蒙智行新品發布會」，活動最大亮點係華為常務董事余承東曾多次透露的「別人想不到的產品」。有內媒爆料，新產品極有可能係首款搭載原生鴻蒙HarmonyOS系統的小型折疊熒幕手機。
余承東描述新旗艦機型「上市後將引發全國人民搶購」，留足懸念。尋日正式揭曉，出任華為Pura新品品牌摯友（代言人），正是華為創辦人任正非細女、「二公主」姚安娜，以及內地男演員王安宇。在關鍵詞為「這麼闊，很有型」嘅最新預熱廣告短片中，姚安娜數次通過手勢暗示華為Pura折疊屏的熒幕比例。對於二公主親自上陣代言自家產品，不少網民在短片下留言調侃稱華為Pura手機是「真正的全棧自研」。其實今次或者唔算姚安娜首次代言華為元素產品。小琴注意到，早在去年8月，姚安娜就已成為阿維塔科技全球智駕體驗官，而阿維塔正係華為有份投資的電動汽車品牌。
