【明報專訊】內地「谷子經濟」概念熾熱，連盲盒、潮玩手辦股泡泡瑪特（9992）業績水漲船高。噚日中午放榜後，泡泡瑪特股價一度大升15.8%，去到147元創歷史新高，收市仍然升接近11%，報140.7元。泡泡瑪特呢隻「盲盒股」市值已經去到1889.52億元。
泡泡瑪特舊年多賺1.86倍，達到34億元（人民幣，下同），更加有13個IP收入過億。當中最近全球爆紅嘅LABUBU成績最驕人，THE MONSTERS收入升超過7倍到30.4億元。另外，MOLLY、SKULLPANDA及CRYBABY等一衆泡泡瑪特「女明星」IP嘅表現亦不俗，收入都超過10億。
LABUBU呢個IP，係來自香港出生嘅繪本作者龍家昇，佢2015年出版嘅《神秘的布卡》孕育咗呢隻而家為泡泡瑪特帶來30億元收入嘅吉祥物。咁到底身為「LABUBU之父」的龍景昇有冇進帳，就不得而知了。
