【明報專訊】運動品牌李寧（2331）昨舉行業績記者會，問答環節時香港記者唔知點解咁唔好彩，並未獲提問機會，25分鐘環節只係答咗3位內地傳媒記者問題。
香港記者會唔會咁就收手呢？ 當然唔會啦。記者會後公司執行主席及聯席行政總裁李寧、副總裁及首席財務官趙東升、聯席行政總裁錢煒匆匆離場，在場記者馬上追出去，問及公司李寧將接棒安踏（2020）、在2025至2028年期間以官方體育服裝合作伙伴身分服務中國奧委會及中國體育代表團項目的投資額，錢煒就稱相關事宜已作公告公布，並無可補充事項。當記者想繼續追問時則被現場工作人員打斷，錢煒亦在幾人簇擁下快步離開。
其實難得幾位高層嚟到香港開業績記者會，無論嚟自邊間傳媒的記者都希望可以同佢哋交流，可惜李寧今次惜字如金，不單止會後「放甩」記者，記者會上亦無回答任何問題。如果李寧下次再嚟，希望佢可以開下金口啦。
email: financepage@mingpao.com
