moneymonday
指數/外匯
明報APP

報章內容

的士司機拒電子支付 DiDi﹕上車前應先確認

【明報專訊】內地滴滴出行旗下DiDi近排同信用卡公司合作,送電子支付搭車優惠,不過的士大佬號稱地上最難應付嘅服務行業之一,有用戶就喺到埗後竟然被要求用番現金支付,結果谷到一肚氣,DiDi提醒,上車前記得要同司機再確認,如果司機反口記得要投訴,DiDi就會根據App入面嘅司機乘客系統作判斷,處理失當行為。

話說有讀者噚日滿心歡喜地用DiDi叫車,一心以為輸入咗信用卡資料就預設咗係電子支付,而Call車時畫面的確顯示「電子支付-已扣100元」,令原本大約要150蚊嘅車費降到大約50蚊。不過,世事難料,到讀者到埗時,司機竟然話唔收卡要收現金,用戶問可唔可以用信用卡畀?司機就話「唔得」,用戶唯有就範。

滴滴香港城市經理鄭志昂話,用戶除咗要喺App先選擇「信用卡支付」,仲要喺「備註/支付」界面度click番「電子支付」。然而,咁樣都唔代表乘客一定可以用信用卡找數噃!因為原來最終決定權係喺司機手上!所以滴滴建議用戶最重要係喺上車前,同司機確認可以用邊種方式付款,如果司機反口就記得投訴,交畀DiDi跟進喎!

email: piano@mingpao.com

[小琴密語]