【有片：幕後主播】喺香港做主播有幾辛酸? 係咪好好Pay?

大家想唔想知，新聞界嘅打工仔，加人工又係咩情況？咪住先！咪住先！唔講香港住！帶大家睇下外國一個星級主播可以去到咩身價？

佢就係FoxNews 主播Megyn Kelly喇！之前佢就係因為喺美國總統大選共和黨首場電視辯論中，因為質疑特朗普性別歧視，到底係咪適合做總統，激嬲 TrumpTrump的同時，亦令自己嘅人氣進一步急升﹗其實貴為 FoxNews 嘅當家主播又係出身律師嘅佢，一向係FoxNews嘅台柱，不過，佢係FoxNews 嘅合約，喺明年7月就到期，所以市場傳出，Megyn正尋求新一份平均年薪達2000萬美元嘅合約﹗相當於近1.6億港紙﹗

外國星級新聞主播咁有叫價力，香港的主播圈又係點架呢? 平日我哋喺「公仔箱」睇到嘅靚女靚仔主播，轉型又可以轉做咩? 不如直接由過來人講下啦。

主播人工高啲？

「一定唔喺大家想像中咁高啦」

「唉......其實佢嘅人工，可能只不過喺茶餐廳樓面嘅人工﹗」

做主播有咩辛酸？

「......唔會話有得請假」

「會被無視你嘅付出，踩你嘅工作成果，因為你個台」

點解轉工？

「去到一個樽頸位，喺咪仲要日日咁讀新聞咁讀落去呢？」

「我覺得呢個係大勢所趨，其實都留意到大氣電波都慢慢式微」

「老闆對於人才嘅重視喺好低嘅」

做香港主播受重視？

「香港嘅媒體，好老實啦，我覺得唔係好受尊重」

「如果大家知道，我哋成個行業都 underpaid 嘅」

香港人點睇主播？

「主播藝人化，喺近幾年嘅一個風氣」

「喺電視台入面，就喺關注緊，邊個妝靚啲呀，邊個頭好睇啲呀，邊個俾人打左入冷宮呀, 俾人雪藏呀, 然後含淚呀，咁你咪喺自甘被娛樂化囉﹗」

可以再揀的話，會選擇再做主播嗎？

「都會架﹗會再做得聰明啲，做得再好啲囉﹗」

老實講，香港主播市場、成個行業發展，甚至喺往後出路；確係好難同其他國家比較，但似乎香港嘅主播，都唔喺大家想像中齋做「花瓶」、淨喺朗讀咁簡單；或者，主播只喺佢地人生或職業生涯嘅一個階段，無論任職時間長或短，往後又為佢哋帶嚟咩野都好，至少都曾經為佢哋嘅人生，帶嚟一個豐富嘅畫面。

撰文：賀慧恩、連綽瑤   旁白：連綽瑤

●Like「明報財經 mpfinance」fb專頁！