【執咗佢啦】美股跌只屬誘因 羅尚沛：A股失支持才要命

中國銀河國際證券業務發展董事羅尚沛表示，今日股災正正是「美股打噴嚏，全球患感冒」，尤其是美國總統特朗普狠插聯儲局，10年國債孳息即抽升，人民幣插水。「問題係美股強勢，處於高位，仍有下跌空間，但港股和A股則不同，跌起來的心理反映也就不同」。

羅尚沛形容，A股完全已「唔知發生咩事」，當「熔斷底」也跌穿，已經是「冇哂支持位」，至於會不會出現國家隊又救市，他直言「仲靠國家隊？一早響度救咗好耐啦」。羅尚沛更不諱言，這樣子的A股「執咗佢好過」。

除了美國因素，港股大跌又會否與昨日的施政報告有關？羅尚沛則認為，雖然施政報告「唔掂」，但施政報告對港股一向都沒影響，所以跌市不能歸咎於施政報告。而後市，他表示或者會短期反彈幾百點，但恐怕還有一跌。