虛擬資產唔單止成為投資市場新寵,亦有愈來愈多明星借NFT行善。歌手張敬軒今日宣布舉辦年底跨年演唱會嘅同時,更推出入行廿年絕密NFT感言公開慈善拍賣,底價10萬元;成功競投嘅買家仲可以得到軒仔尾場演唱會第一行門票。拍賣進行兩個鐘左右,最新競價11萬元,拍賣會喺五日後完結。
軒仔話,收入扣除平台費用將全數捐予「母親的抉擇」、「大樹下善待動物庇護站」及「愛培自閉症基金」作慈善用途。
除此之外,軒仔亦推出4套演唱會「Golden Ticket」,勝出者可獲唯一簽名NFT照片、2張12月31日場次首行門票,仲可以同軒仔見面合照。
事實上,近期都有唔少明星推出NFT,更用佢哋嚟籌款行善。港星余文樂之前撥出由LARVA LABS於2005創作嘅《CRYPTOPUNK 9997》,係佳士得上個月舉行嘅拍賣會中,以3385萬元成交,遠高於該行估價,收益撥捐「願望成真基金」。
其他報道