財經花生|戶戶送6周年展覽 「尋寶」優惠最多100元

文章日期:2021年11月4日 17:22

相信近年大家都叫多咗外賣,戶戶送(Deliveroo)唔經唔覺已經迎來6周年,由今日至周日(7日)係元創方舉辦《美味日嚐之旅》限定展,更於場內設置多個QR碼可以掃,就會得到10元至40元不等嘅優惠,合共最多100元。

展覽其實係一趟四部曲嘅米之旅程,包括帶大家認識米嘅各種形態及飲食文化嘅「米魅日嚐區」;由林二汶、梁祖堯、曾比特同本地插畫家Kazy Chan聲畫表演有關米粒故事嘅「細味日嚐區」;專訪米之達人嘅「人人日嚐區」;以及最後一站在迷你城市場景中以微縮模型展現香港人嘅外賣進化史嘅「幸福日嚐區」。追蹤佢哋社交平台,仲可以領取迷你飾物袋及本地米。

文:花生