明報APP
即時財經新聞
財經花生│DONKI鮮選壽司擬連開山頂、小西灣分店
日本連鎖超市「驚安之殿堂」（DON DON DONKI）自2019年攻港以嚟，一直都好受香港人歡迎。除咗計劃2024年6月前話要全港開夠24間分店之外，嚿年10月仲喺荃灣開咗全球第一間「鮮選壽司」，但網友評價就好一般。
不過集團一於少理，要保持住個勢開分店。據商業登記署資料，「鮮選壽司」新增咗小西灣藍灣廣場同山頂廣場等兩個現有分店地址，意味集團好大機會會喺呢兩間門市開舖！
筆者早兩日行過小西灣分店，發現店內已經做緊內部裝修，亦有網民話見到山頂分店已經圍咗「鮮選壽司」圍板，睇嚟好快品牌就會有新分店面世。唔知到時各位DONKI粉絲會唔會特登上山頂食壽司打卡呢？
文：祖師
其他報道