文章日期：2022年5月25日 16:24
人氣男團MIRROR首個紅館演唱會一票難求，今日除咗宣布加場，又會將公開發售嘅12場門票以實名制形式發售，刺激母企電盈（0008）股價向上，收報4.3元，升0.9%。
記得先前係電盈股東會上，主席兼執行董事李澤楷（Richard）曾經講過，公司會視乎需求同股東利益，考慮吓未來會否增加演唱會次數同門票供應。仲話知道今次售票情況相當迅速，公司會適當作出調整，等更多客戶可以觀看到演唱會！
其實電盈股價近年亦逐步向上，一直於高位徘徊。相信今次唔單止粉絲開心，股東都唔失望。
