本港首富、李嘉誠基金會創辦人「誠哥」李嘉誠不嬲活得年輕,噚日佢又試新玩具啦!本報獲得一張誠哥係慈山寺揸Scooter的照片,其實Scooter就唔算新嘢,不過通常見年輕人玩多,年過九十的誠哥都用嚟代步,感覺就特別唔同啦。
而且,誠哥不嬲喜歡投資創新科技,他旗下的維港投資更是百足咁多爪。而今次獲得嘅照片相當矇矓,未知呢架獲得誠哥青睞嘅Scooter是否有特別之處,或者出自邊間公司之手,唔知遲下會唔會爆出誠哥都投資搞Scooter呢?
驟眼睇呢架Scooter都相當穩陣,除咗似有椅背同扶手,亦比起坊間一般嘅Scooter寬敞。而誠哥亦「緊握扶手」,相當安全。不過始終試新玩具,身邊都有唔少人傍實佢,其中一個(圖右二)更疑似係誠哥細仔、電盈主席(0008)兼慈山寺副主席李澤楷(Richard)添。據了解,誠哥昨天原來係到慈山寺參與盂蘭法會。
其他報道
中石油等申ADR退市 夜期低水逾200點 中證監稱退市屬資本市場常態
引入國資後建業7月賣樓跌幅收窄至8.8% 上月賣樓跌幅達69%
報告:7月份虛幣現貨交易量1.39億美元 創2020年12月以來最低