明報APP
即時財經新聞
財經花生｜大埔MMA原來係為譚仔三哥宣傳 明天推新產品「黑白辛椒式」
噚日有一對黑白情侶，係大埔一間譚仔三哥分店門前上演「街頭MMA（綜合格鬥）」，白衣女子更施展「奪命鉸剪腳」夾實男子頭部，其後有一名紅衣「譚仔三哥姐姐」上前出手勸阻，影片係網上瘋傳影片。
譚仔國際（2217）今日就係譚仔三哥fb解畫，「其實以上高手過招，都係為星期四（28日）推出嘅新產品「黑白辛椒式」煳椒肉骨湯米線嘅預熱快閃宣傳」，仲對大家耍個冧，「瞞住大家、嚇親你哋，喺度講聲唔好意思」。
除此之外，譚仔三哥亦表示，「今次出招，我哋特別搵嚟非常專業、從事影視演出嘅特技人團隊參演，佢哋都有充份綵排、做足安全措施（有眼利觀眾都留言話見到佢地戴齊護腰護膝架）」，更話無論特技人抑或姐姐都係勞苦功高，大家再次畀啲掌聲一班幕後英雄。
其他報道
滴灌通投資千家門店 平均42萬 李小加：針對消費市場創新投資模式
恒指收市升5點 成交跌6%至975億元 科指升0.5% 北水轉淨流入
AlipayHK接通逾百萬間日本線下商戶 直接以港幣結算付款