明報APP
即時財經新聞
財經花生｜3香港請「小蜜蜂」 7間門市推活動有機會贏來回機票
和記電訊（0215）旗下嘅3香港，自舊年12月推出一個「Honey Bee」（小蜜蜂）招聘廣告，單憑一個搞鬼嘅工作簡介掀起網民討論，吸引幾百名應徵者參與首次面試。公司話，早前已安排咗其中百多名應徵者參與面試，稍後會陸續安排其他應徵者參加面試，跟3香港齊齊「蜜蜜」做好網絡咁講。
3香港又話，為咗將「小蜜蜂」熱潮帶到門市，將會係銅鑼灣、鰂魚涌、旺角、荃灣西、大埔、元朗同天水圍門市舉行「Honey Beer Pong 」活動，活動聽日活動係銅鑼灣3LIVE店展開，歡迎全港市民參加。只要眼明手快兼好眼界，有機會獲得雙人來回機票、為今次活動特別推出、由門神手工啤酒限量釀製嘅Honey Bee 蜂蜜麥啤及蜂蜜蘋果酒同埋手機等獎品。
公司為咗令各界對「小蜜蜂」有更深認識，最新推出一條「小蜜蜂團隊」宣傳短片，由男演員麥沛東化身小蜜蜂，捐窿捐罅測試網絡。