【財經花生】一田CEO黃思麗月底離職 預告要專心「放假」

Susanna擔任一田CEO加加埋埋有成7，仲將全港一田分店增加至14間，期內一共經歷咗三年疫情，佢就形容7年時間好難忘，初上任時嘅情景依然歷歷在目，最緊張VIP DAY生意，見記者時又好緊張。佢又話，咁多年嚟轉工都未試過中間放假，今次離開一田將會好好「放假」，會送個女返英國讀書，亦都有打算旅行，可能係去非洲，但未有固定行程，相信職場下一站都需要大家支持，不過暫時未有定向。

Susanna坦言，任期內都有想做但做唔到嘅事，譬如一田科技管理系統已經做到「由無變有」，但仲未做到「從有到好」；亦都遺憾一田門店數量未達到20間。講到未來工作目標，佢就強調今次只係「暫離」工作，未來依然對零售業及快速消費業有興趣，覺得自己會做返本行業。小記就覺得Susanna對記者好友善，而且有問必答，希望Susanna好好休息後，未來工作一切順利！