明報APP
即時財經新聞
財經花生｜高端人才嚟香港租樓都要借錢？
中銀香港（2388）就話最近同中原地產、中原按揭crossover，推出全新嘅「租樓易」貸款優惠，幫專為高端人才提供一站式安居服務，為中原地產嘅租戶提供資金，以滿足佢哋嘅租樓買樓需要，手續費低至每年2.5%，可分12個月或者24個月還款期。
中原地產亞太區副主席兼住宅部總裁陳永傑話，計劃仲可以連按金同佣金等都可以借埋，務求幫助減輕租客新居入伙開支壓力，預計「租樓易」將會受業主歡迎。仲話計劃同時會令租客有較大機會爭取租金講價嘅空間。
除此之外，中銀仲有特設「來港高端人才按揭專隊」，可以同中原按揭專員「緊密聯繫」，仲有埋「人才私人貸款諮詢專線」，提供普通話按揭及貸款專業諮詢服務；而中原地產及中原按揭，亦為有意租樓買樓的高端人才特設「人才置業大使」專組，為客戶提供即時全面置業或租賃資訊。
其他報道