即時財經新聞
財經花生丨周大福「撈過界」 做國際技能大賽獎牌
周大福珠寶（1929）一向賣開金同珠寶首飾，不過最近就開拓咗個新領域，就係去做金牌。講緊唔係喺舖頭賣嗰啲金牌，而係比賽頒獎嘅金牌，啱啱噚日（26日）結束嘅第二屆「一帶一路」國際技能大賽，賽事所有項目金、銀、銅獎牌就係由周大福包辦製作。
呢個「一帶一路」國際技能大賽由國家人力資源社會保障部、重慶市政府同其他相關部委主辦，主題係「技能合作，共同發展」，邀請一帶一路國家和地區代表參賽。賽制參照世界技能大賽，設立運輸物流、數字建造、電子技術、花藝、珠寶加工和美容等合共18個行業技能比賽項目。
第一屆賽事喺2019年舉辦，不過之後因為疫情暫停，直到今屆復辦周大福就開始參與贊助。 據講今次都係周大福第一次製作金牌（銀牌同銅牌都係），不過個獎牌當然只係包金，所有獎牌正面都會印上「第二屆一帶一路國際技能大賽名稱」和「2024年中國重慶」，背面就鑄有「2024」和「周大福」。
除咗幫手製作獎牌，周大福仲幫手安排咗兩位有超過20年經驗鑄金師傅，幫手擔任珠寶加工比賽評委，促進不同地區的技術交流，聽講呢項比賽最後仲由中國選手勝出添。
其他報道
香港寬頻與Bowtie跨界合作 月費99元即享四合一醫療服務
滬深三大指數午後續跌 滬指以近日中低位收市 創板指險守1700點
Meta：蘋果7月起收取FB及IG亞太區廣告服務費 已推替代方案
LME研於港設金屬倉庫分三階段進行 首階段為研究法律問題料需時數月
致同：本港首季上市公司交易宗數升72% 全年整體交易量有望回升
渣打：CIES推出後錄6000人次查詢瀏覽 七成為40歲以上家庭客為主
美元強 恒指半日跌368點 跑輪主要市場 伙科指見兩個月低 北水續流入
奢侈品轉售平台：香港用戶3年增兩倍 平均購物車價值4100元冠全球
減息預期降 美匯近兩個月高 亞幣指數見19個月低 人幣7個月最弱