社交平台Threads近日有網民貼出本地人氣男歌手MC（張天賦）出席婚禮做表演嘉賓的片段，隨即引來熱議邊位新人咁大手筆請到當紅歌手做表演嘉賓。作為好奇寶寶的中環牌花生，就發現原來新娘子就係謝瑞麟（0417）創辦人謝瑞麟的孫女，謝瑞麟集團主席、香港零售管理協會主席謝邱安儀（Annie）同老公、謝瑞麟副行政總裁謝達峰（Tommy）的囡囡Atalie。
據知，Atalie嘅婚禮係ROSEWOOD酒店舉辦，而MC就獻唱了《世一》等金曲，有網民提到原來MC登台場舊年唱三首已索價70萬起跳，唔知係今次婚禮出場費會唔會破百萬，直呼新人「有媽的孩子像個寶」！
不過，Annie同Tommy出名恩愛得嚟低調，所以係facebook等社交平台都無發文提及呢次嫁女，反而有唔少生意事業上的朋友發文恭賀。不過花生就留意到，原來謝氏一家似乎非常喜歡MC，係舊年12月就已經舉家撐場睇MC演員會，似乎MC都係佢哋「真愛」啦！
