運動品牌李寧（2331）今午舉行業績記者會，去到問答環節時香港記者唔知點解咁唔好彩，並未獲提問機會，25分鐘的環節只係答咗3位內地傳媒記者問題。
香港記者會唔會咁就收手呢? 當然唔會啦。記者會後李寧同公司副總裁及首席財務官趙東升、及聯席行政總裁錢煒匆匆離場，在場記者馬上追出去，問及李寧將接棒安踏，在2025至2028年期間以官方體育服裝合作伙伴身分服務中國奧委會及中國體育代表團項目的具體投資額，錢煒就表示，相關事宜已作公告公布，並無可補充事項。
當記者想繼續追問被打斷後，錢煒亦在幾人簇擁下快步離開。
其實難得幾位高層嚟到香港開業績記者會，無論嚟自邊間傳媒的記者都希望可以同佢哋交流，可惜李寧今次惜字如金，不單止會後「放甩」記者，即使會上亦無回答任何問題。如果李寧下次再嚟，希望佢可以開下金口啦。
其他報道
恒指半日跌210點 科指跌1.6%見3周低 海爾智家、蔚來跌7%
