【明報專訊】特步（1368）大股東丁水波啲千金丁利智（Dona），噚日正式獲委任為首席財務官，更即刻登場負責喺2024年業績會上向傳媒簡介特步的財務及運營狀况，成為傳媒焦點。不過，小琴喺台下就發現了一名女士，不時微微嘴兼「心心眼」幫台上的Dona、主席丁水波同一眾管理層留倩影，原來佢就係一向非常低調的丁水波太太。
據小琴了解，查實丁太每次業績都會來港支持公司。
不過佢一向非常低調，可能今次因為愛女初登場，所以忍不住喺現場拎出手機幫兩父女拍片拍照，吸引了傳媒目光。
會後，小琴曾經嘗試邀請丁太同老公及Dona合照，丁太都低調且友善地笑笑口拒絕。
外貌有點似本地歌手Serrini的Dona，她表示初登場都有一點緊張。不過小琴見佢喺台上表現非常淡定，難怪爸爸丁水波都話佢喺特步工作七八年，運營、財務上都做得好好。會後，Dona仲應傳媒要求，同「師父」、前任首席財務官及剛升職為執董的楊鷺彬合照。
