明報APP
即時財經新聞
財經花生｜快運下周一再推售手推車 最平索價6000元貴至少三成
新冠病毒疫情下，多國持續封關，唔少航空公司近呢一年頻頻賣飛機「架生」幫補。其中香港快運（HK Express）已經N次將舊嘅手推車拎出嚟賣，最新一期就落實下星期一（11日）、下午3點，喺快運網店開售。
快運今次仲大搞旅行回憶做噱頭，分短版同長版兩隻size，其中長版手推車採用咗白色設計，配以唔同行李標籤貼紙；而短版手推車就用快運最標誌性嘅紫色做底，同樣都係配搭行李標籤貼紙。短版同長版手推車售價分別為6000元同6500元，睇返快運對上喺5月分別定價4500元同5000元，個價足足加左三成有多。
買咗返去唔知有咩用？唔驚，快運已經幫你諗好晒，手推車除咗可以擺喺屋企用嚟咖啡枱、床頭櫃或者鞋櫃之外，喺Office做流動零售儲物櫃、迷你酒吧亦得。唔知各位航空迷又有冇心動呢？
文：祖師
其他報道
恒指升136點升穿20天線成交增55% 伙國指連升兩周 科指終止3連跌
市監局：美團涉二選一壟斷 罰款34億人幣 佔去年境內銷售額3%
巴克萊：中國部分行業明年可能仍會限電 今年經濟增長率或降至6%