明報APP
即時財經新聞
財經花生丨網傳港散戶巴郡A「特價時段」落市價盤 復牌後63萬美元成交
大家都識「股神」巴菲特名句「別人恐懼我貪婪」，不過香港就有網民「偷雞唔到蝕拃米」。事緣紐交所（NYSE）噚晚出現技術故障，巴菲特旗下投資旗艦巴郡A股（美：BRK.A）一度大跌98%至185.1美元後停牌，香港有股民想「執平貨」，但因為落單時落咗市價盤，復牌後時以正常股價落單，最終被證券商強制平倉。
有網民喺網上討論區「連登」開post，直指「Sofi容許客戶係不知情之下，以幾十倍孖展掃入BRK A」，更加有人貼圖顯示蝕超過6,000萬港元。
雖然巴群A股「特價時段」185.1美元驚現46股成交，但其實紐交所最終已決定取消任何因技術問題出錯期間嘅交易，到底最後一眾網民需唔需要補倉仍係未知之數。
巴群A股噚日收市報631110.1美元，升0.59%。
文：蔥蔥子
其他報道
文綺華：澳門今年目標爭取逾200萬遊客 和國泰合作冀更多突破
港股連升兩日 恒指收市升41點 北水流入增1.5倍 科指守住250天線
中證監：將發布資本市場相關政策舉措 增上海國際金融中心影響力