自從被日本東利多控股(Toridoll)收購後,專賣雲南米線的譚仔三哥不時推出新產品吸引食客。因應近期夏日熱辣辣,三哥最新推出期間限定的酸辣撈薯粉,包括了豬耳、雲耳、薄脆及青瓜絲的四重爽脆口感,配合三哥酸辣汁,希望俾到夏天不想吃湯麵的食客新感覺。
撈麵預設係5小辣,如果讀者想越級向更高難度挑戰,可以由4小辣起跳,最高是雙特辣。而想試呢個撈麵,但又食開10小辣的讀者可能要特訓才能食啦。
雖然公司表示生意有受疫情影響,但實際幾多則不方便透露。然而,翻查譚仔三哥facebook公布,首季以來只開了粉嶺新店,因租約期滿結束了葵涌廣場分店,牛頭角得寶花園裝修後重開,變相首季至今開舖上幾乎打平手,似乎非常審慎。
不過譚仔三哥的進取花在餐單上,除了今次由賣湯麵撈過界賣撈麵,還會推出兩款新夏日特飲,鹹檸梳打及密桃乳酸,食上述撈麵還可以加配近期新菜式「小豬件」,滿足食客多樣化選擇。
目前三哥幾乎每一兩個月拎出新招吸食家,好似早排先出了花膠雞米線,據講反應好理想,今日正是期間限定的最後一日,公司表示會視乎反應後再決定是否加推。
花生醬
其他報道