繼中環新店之後,譚仔雲南米線再下一城,今次仲打入名店區,海港城分店1月8日就正式開業,新店面積接近3000平方呎,一共有190個座位,係第71間分店。
譚仔就話,新店針對尖沙咀行街嘅市民,shopping之後有一個舒適位置,可以食到價格實惠又優質嘅地道食物。
最近香港興起「芫茜風」,就連燒賣都要加芫茜,譚仔繼續搞搞新意思,新店就有限定口味「香茜皮蛋魚湯米線配脆肉鯇」,亦有提供新推出嘅「泡椒酸菜魚湯米線配脆肉鯇」,五小辣起跳。
其他報道
佐丹奴:發盈警 料去年轉虧蝕最多1.3億 下半年轉賺最多6500萬