近排LinkedIn上一條貼文引發勁多人關心,事緣匯豐(0005)喺英國嘅員工Jonathan Frostick上星期日WFH(「在家工作」)時突然心臟病發,與死神只有一步之遙,最終要入院。Jonathan回憶,自己喺頭暈目眩時最後一個諗法,都係「死喇聽日要同老細開會,搞唔掂」、「X項目點搵資金」。事後佢反思,人生好短,以後唔會再擺咁多時間去Zoom開會,亦要改變工作模式。
至今貼文已經有19.6萬讚好,引發好多金融從業者共鳴。根據網站,Jonathan嘅頭銜係匯豐監管資訊經理(Regulatory Programme Manager)。Jonathan今日再update,話自己已經可以起身行走。佢解釋情況,指老細好好人。佢亦鼓勵頂唔順老細嘅網友做出改變,因為「負面嘅工作環境對健康冇好處」。
Jonathan接受彭博社訪問時提到,有時一日要返12個鐘,而好多同事都要擺大量時間係Zoom meeting上,令人好疲憊,相信呢種情況係成個行業都存在。他喺貼文就澄清,當時唔係被迫星期日返工,而係自願,但已經知道呢種做法唔啱。
匯豐發言人接受彭博社查詢時就話,祝Jonathan身體早日恢復健康,又話呢個話題可以獲得咁多人回應,相信是大家有共鳴。發言人話,鼓勵所有人將身體健康及心理健康放喺第一位。
其他報道