明報APP
即時財經新聞
財經花生｜鏡粉搶MIRROR演唱會飛致App、信用卡死機 MOX：深深致歉
人氣男團MIRROR演唱會之前進行預售已經有「黃牛飛」炒到44萬，門票今日正式開售再引起一眾「鏡粉」瘋搶！其中渣打香港旗下虛擬銀行Mox Bank嘅客戶仲可以優先訂購，點知今朝平台竟然一度死機，客戶無法登入。
Mox Bank今晚就向客戶發出題為「未能達至你的期望，我們深深致歉」嘅道歉email，承認由於演唱會優先訂票反應太過熱烈，導致今朝平台一段時間未能如常運作，就連信用卡都間歇性出現問題，該行對此深表歉意。
該行仲話，完全感受到客戶對娛樂活動嘅無比熱情，並已經喺今次事件汲取經驗，希望喺日後為客戶提供更完善嘅服務。
至於Mox平台所有功能，以及信用卡交易喺晏晝回復正常，𠵱家已經如常進行各項交易。
文：祖師
其他報道